կարևոր
3043 դիտում, 1 տարի առաջ - 2022-10-26 15:28
Հասարակություն

Թշնամին իր զբաղեցրած դիրքերում ամրաշինական աշխատանքներ է կատարում, ամրանում է. Նորաբակի վարչական ղեկավար

Թշնամին իր զբաղեցրած դիրքերում ամրաշինական աշխատանքներ է կատարում, ամրանում է. Նորաբակի վարչական ղեկավար

168.am-ը գրում է․

Սեպտեմբերի 13-ից հետո, Ադրբեջանը տարբեր ուղղություններով հաճախակի է կրակոցներ արձակում Հայաստանի սահմանամերձ գյուղերի ուղղությամբ, հիմնական թիրախն արևելյան սահմանն է։

Վերին Շորժա, Նորաբակ, Կուտական, Կութ և Գեղարքունիքի մարզի հարակից գյուղերը սեպտեմբերի 13-ից սկսած թշնամու թիրախում են։ Վերջին օրերին թեպետ կրակոցների ձայներն այս գյուղերում պարզ չեն լսվում, բայց գյուղերի բարձունքներում թշնամին իր զբաղեցրած դիրքերում սկսել է մեծ ամրաշինական աշխատանքներ կատարել։

168.am-ի հետ զրույցում Նորաբակ գյուղի վարչական ղեկավար Վազգեն Ասատրյանն ասել է, որ գյուղի ուղղությամբ զբաղեցրած դիրքերում թշնամին ամրանում է։

«Գյուղից տեսանելի չէ, բայց երբ սարի վրա բարձրանում ենք, տեսնում ենք, որ թշնամին իր զբաղեցրած դիրքերում ամրաշինական աշխատանքներ է կատարում, ամրանում է»,- նշել է Վազգեն Ասատրյանը։

Ըստ նրա, սեպտեմբերի 13-ին տարհանված բնակիչների մի մասը դեռևս գյուղ չի վերադարձել։

«Մարդիկ անորոշության մեջ են, դեռ մտածում են՝ ինչ անեն, գալիս են այստեղ՝ կրակոց է, դրա համար էլ դեռ չգիտեն՝ վերադառնալո՞ւ են, թե՞ ոչ։ Որ ասեմ, մարդկանց տրամադրությունը բարձր է, չէ, մի օր լավ է, մի օր վատ է, օրվա իրադարձություններից է կախված։ Միայն անորոշության մեջ են, մարդ կա՝ իր վեշերն էլ է հետը տարել»,- շեշտել է Վազգեն Ասատրյանը։