Ռուսաստանը նախապատրաստում է լայնածավալ ներխուժում Ուկրաինա. Ստոլտենբերգ

Ռուսաստանը շարունակում է ծրագրել լայնածավալ ներխուժում Ուկրաինա. հայտարարել է ՆԱՏՕ-ի գլխավոր քարտուղար Իենս Ստոլտենբերգը։

«Բոլոր նշանները ցույց են տալիս, որ Ռուսաստանը շարունակում է ծրագրել լայնամասշտաբ հարձակում Ուկրաինայի վրա: Մենք տեսնում ենք ռազմական ուժերի շարունակական կուտակում: Ռուսաստանը խոստացել է հետքայլ անել, բայց շարունակում է կուտակվել: Մենք տեսնում ենք, որ ավելի ու ավելի շատ զորքեր են շարժվում, դուրս են եկել իրենց կայազորներից և պատրաստ են հարվածել»,- ասել է Ստոլտենբերգը ՆԱՏՕ-Ուկրաինա հանձնաժողովի արտահերթ նիստից հետո։

Դաշինքի ղեկավարը դատապարտել է Դոնեցկն ու Լուգանսկը ճանաչելու՝ Կրեմլի որոշումը։ «Սա լուրջ էսկալացիա է Ռուսաստանի կողմից և միջազգային իրավունքի կոպիտ խախտում»,- ասել է Ստոլտենբերգը։