ՄԱԿ-ում ընդունվել է Վրաստանի ներկայացրած բանաձևի նախագիծը

Օրերս ՄԱԿ-ի Գլխավոր ասամբլեան ընդունել էր Վրաստանի եւ 54 երկրների նախաձեռնած բանաձեւի նախագիծը՝ «Աբխազիայից եւ Ցխինվալի տարածաշրջանից ներքին տեղահանվածների եւ փախստականների կարգավիճակի մասին»: Դրանով ՄԱԿ-ի  ԱԳ-ն ճանաչում է ներքին տեղահանվածների եւ փախստականների՝ իրենց բնակավայրեր վերադառնալու իրավունքը:

Վրաստանի վարչապետ Գիորգի Գախարիան «Թվիթեր»-ում գրել է, որ քվեարկության նման արդյունքով հաստատվում է վրաց դիվանագիտության հաջողությունը: ՄԱԿ-ում Ռուսաստանի ներկայացուցիչը փաստաթուղթը համարում է տարածաշրջանում իրավիճակի կայունացմանը խանգարելու փորձ:

Փաստաթուղթն ընդունվել է ձայների՝ 84 կողմ, 13 դեմ հարաբերակցությամբ: 78 երկիր, այդ թվում՝ Հայաստանը, ձեռնպահ է մնացել: Քվեարկության ժամանակ ՄԱԿ-ում Հայաստանի ներկայացուցիչը դահլիճում չի եղել: