Պեսկովը հրաժարվել է մեկնաբանել ՄԱԿ-ում հակառուսական բանաձևի քվեարկության արդյունքները

Արդեն տեղեկացրել ենք, որ ՄԱԿ-ի Գլխավոր վեհաժողովն ընդունել է Ուկրաինայի առաջարկած` Ղրիմի և Ազովի ու Սև ծովերի ջրատարածքների ռազմականացման խնդրի մասին բանաձևը: Փաստաթուղթն ընդունվել է 66 կողմ, 19 դեմ ձայներով, 72 երկիր ձեռնպահ է մնացել:

Փաստաթղթում դատապարտվում է Ղրիմում ռուս զինծառայողների առկայությունը, ինչպես նաև Սև ծովում և Ազովի ծովում ՌԴ զինված ներկայության մեծացումը:

Ըստ ՄԱԿ-ի կայքի` բանաձևին դեմ քվեարկածների թվում են եղել Հայաստանը, Բելառուսը և Ուզբեկստանը: Ղազախստանի և Ղրղզստանի պատվիրակությունները ձեռնպահ են մնացել: Ադրբեջանի, Տաջիկստանի և Թուրքմենստանի պատվիրակությունները չեն մասնակցել քվեարկությանը:

РИА Новости-ն հայտնում է, որ ՌԴ նախագահի մամուլի խոսնակ Դմիտրի Պեսկովը լրագրողների հետ զրույցում հրաժարվել է մեկնաբանել քվեարկության արդյունքները` ասելով, որ դա թողնում է առանց մեկնաբանության: