կարևոր
2449 դիտում, 1 տարի առաջ - 2022-10-13 12:25
Քաղաքական

Հայաստանը ձեռնպահ է մնացել ՄԱԿ-ում հակառուսական բանաձևի քվեարկությունից

Հայաստանը ձեռնպահ է մնացել ՄԱԿ-ում հակառուսական բանաձևի քվեարկությունից

ՄԱԿ-ի Գերագույն վեհաժողովն ընդունել է բանաձև, որը դատապարտում է «Ռուսաստանի ապօրինի այսպես կոչված «հանրաքվեները»՝ անցկացված Ուկրաինայի միջազգայնորեն ճանաչված սահմանների ներսում գտնվող շրջաններում»:

Բանաձևը պահանջում է «չեղարկել այդ տարածքների բռնակցման մասին հռչակագիրը»:

Բանաձևն ընդունվել է ձայների 143 կողմ, 5 դեմ, 35 ձեռնպահ հարաբերակցությամբ:

Ձեռնպահ քվեարկած երկրների մեջ են նաև Հայաստանը, Չինաստանը, Հնդկաստանը, Ղազախստանը, Ղրղզստանը, Տաջիկստանը, Ուզբեկստանը:

Նշվում է, որ Ադրբեջանն ու Իրանը չեն մասնակցել քվեարկությունը: Թուրքիան եղել է կողմ քվեարկած պետությունների ցանկում:

Հիշեցնենք, որ սեպտեմբերի 30-ին Կրեմլում տեղի է ունեցել հանդիսավոր արարողություն, որի ժամանակ ՌԴ նախագահ Վլադիմիր Պուտինը համաձայնագրեր է ստորագրել ինքնահռչակ Դոնեցկի և Լուգանսկի Ժողովրդական Հանրապետությունների, ինչպես նաև Խերսոնի և Զապորոժիեի մարզերի ղեկավարների հետ՝ այդ տարածքները Ռուսաստանի Դաշնության կազմում ընդգրկելու վերաբերյալ։ Ավելի վաղ այնտեղ հանրաքվեներ են անցկացվել, շրջանների բնակիչները ձայների մեծամասնությամբ կողմ են արտահայտվել Ռուսաստանին միանալուն։

Ուկրաինան և Արևմուտքը դատապարտել են հանրաքվեները՝ կատարվածն անվանելով ՌԴ-ի կողմից ուկրաինական տարածքների բռնակցում: