Վենեսուելայում ներխուժում և հեղաշրջում չի լինի. Մադուրո

Վենեսուելայի նախագահ Նիկոլաս Մադուրոն հավաստիացրել է հայրենակիցներին, որ երկիրը չի դառնա օտարերկրյա ներխուժման զոհ. հայտնում է РИА Новости-ն: 

«Մեր երկրում տեղի չի ունենա ո’չ օտարերկրյա ներխուժում, ո’չ պետական հեղաշրջում, ո’չ զինված հակամարտություն: Վենեսուելայում կտիրի խաղաղություն: Մենք դարձյալ կհաղթենք` հետևելով խաղաղության և արդարության, խաղաղության և ինքնիշխանության, խաղաղութjան և անկախության, խաղաղության և հավասարության ուղուն»,-ասել է նա:

Հիշեցնենք, որ երեկ եվրոպական մի շարք երկրներ, այդ թվում` Ֆրանսիան, Մեծ Բրիտանիան և Գերմանիան, ճանաչեցին Վենեսուելայի ընդդիմության առաջնորդին` որպես երկրի ժամանակավոր նախագահ: