Թրամփը չգիտի` որտեղ է գտնվում Վենեսուելան. Մադուրո

Վենեսուելայի նախագահ Նիկոլաս Մադուրոն, ով այցով գտնվում է Մոսկվայում, մեղադրել է ԱՄՆ նախագահ Դոնալդ Թրամփին, որ նա չգիտի Վենեսուելայի տեղը. հայտնում է РИА Новости-ն:

«Թրամփը կարդում է թղթից: Թրամփն անգամ չգիտի՝ որտեղ է գտնվում Վենեսուելան, նա պարզապես չգիտի դա: Նա չգիտի՝ որտեղ է Պուերտո Ռիկոն, նա չգիտեր դա: Նա գնացել է Պուերտո Ռիկո, որպեսզի ժամանի և վիրավորի ժողովրդին ողբերգության ժամանակ: Նրան ասում ես` Սիմոն Բոլիվար, իսկ նա կարծում է, թե դա ռոք երգիչ է, նա չգիտի՝ ով է նա: Նա կրկնում է այն, ինչ իր համար գրում է Պենտագոնը: Իմ ձայնը երբեք չի լռի, այն միշտ բարձր կհնչի Թրամփի օրոք և ոչ Թրամփի օրոք»,- ասել է Մադուրոն  «Ռուսական էներգետիկ շաբաթ» ֆորումի ընթացքում ելույթի ժամանակ: