Արփինե Հովհաննիսյանն ընդունել է ՀԲ Երեւանի գրասենյակի տնօրենին

ՀՀ արդարադատության նախարար Արփինե Հովհաննիսյանն այսօր ընդունել է Համաշխարհային բանկի Երևանի գրասենյակի տնօրեն Լորա Բեյլիին, հայտնում են ԱՆ տեղեկատվության և հասարակայնության հետ կապերի վարչությունից:

Նշվում է, որ նախարարը բարձր է գնահատել ՀՀ արդարադատության  նախարարության և Համաշխարհային բանկի միջև եղած համագործակցության ներկայիս մակարդակը և ընդգծել, որ այն խորացնելու ու զարգացնելու մեծ ներուժ կա:

Նաեւ՝ Արփինե Հովհաննիսյանը ՀԲ ներկայացուցչի հետ քննարկել է Նախարարության ծրագրերն ու դրանց ուղղված ֆինանսական օժանդակության հարցերը:             

«Լորա Բեյլին, շնորհակալություն հայտնելով նախարարին հանդիպման համար, նշել է, որ Արդարադատության նախարարության հետ ունեցած համագործակցության ընթացքում իրականացված համատեղ ծրագրերը շոշափելի արդյունք են գրանցել»,- հայտնում են ԱՆ-ից:

Հաղորդվում է, որ հանդիպման ընթացքում կողմերը քննարկել են երկուստեք հետաքրքրություն ներկայացնող այլ հարցեր և երկարաժամկետ ծրագրեր իրականացնելու հնարավորությունները: