Անթալիա այցի համար Սաուդյան Արաբիայի թագավորը 400 զրահապատ մեքենա է վարձել (լուսանկարներ)

Նոյեմբերի 15-16-ը Անթալիայում կայանալիք G-20-ի գագաթաժողովին մասնակցելու համար Թուրքիա ժամանած Սաուդյան Արաբիայի թագավոր Սալման բին Աբդուլազիզը 400 զրահապատ մեքենա է վարձել:

Ըստ Milliyet-ի՝ թագավորին օդանավակայանում դիմավորել են թուրք բարձրաստիճան պաշտոնյաներ: Աբդուլազիզին ճանապարհել են Անթալիայի ամենաշքեզ հյուրանոցը:

Նշվում է, որ Սաուդյան Արաբիայի թագավորի ժամանումից առաջ 16 հատուկ բեռնատարներով նրա անկողնային պարագաները, բաժակը և անձնական այլ իրեր էին բերվել Անթալիա: Բացի 400 զրահապատ մեքենաներից, թագավորը 1000 հոգանոց պատվիրակության համար վարձել էր 65 Mercedes մակնիշի մեքենաներ: Հայտնում են, որ հյուրանոցի ներսում չտեղավորվելու պատճառով թագավորի վարձած շքեղ մեքենաները կանգնեցվել են հյուրանոցի բաց տարածքում: