Այս պահին Երևանում sett-weather
Փոխարժեքներ 20 08 2025
USD ⚊ $ 384.03
EUR ⚊ € 443.29
RUB ⚊ ₽ 4.795
GBP ⚊ £ 510.11
GEL ⚊ ₾ 142.29
կարևոր
0 դիտում, 10 տարի առաջ - 2015-07-28 12:28
Քաղաքական

Գուրգեն Արսենյանը հիասթափված է. պարզվում է՝ ոչ թե լսումներ են, այլ հաղորդում

Գուրգեն Արսենյանը հիասթափված է. պարզվում է՝ ոչ թե լսումներ են, այլ հաղորդում

Այսօր ԱԺ-ում լսումներ են կազմակերպվել «Նաիրիտ գործարան» ՓԲԸ-ի հետագա շահագործման, տեխնիկական եւ ֆինանսական կենսունակության վերաբերյալ: Նշենք, որ լսումները պետք է սկսվեին ժամը 12-ին, սակայն հետաձգվում էր, որովհետև նիստը վարող ՀՀԿ-ական Վարդան Այվազյանը առանձնացել էր էներգետիկայի ու բնական պաշարների նախարար Երվանդ Զախարյանի հետ, և ինչ-որ բան էին քննարկում:

Նշենք նաև, որ նիստին ամենաառաջինը ներկայացած` ԲՀԿ խմբակցության պատգամավոր, գործարար Գուրգեն Արսենյանը, դեռ նիստը չմեկնարկած, զայրացած հեռացավ` ասելով, որ ինքը ներկայացել էր, որովհետև գիտեր, թե խորհրդարանական լսումներ են կազմակերպվել, և ինքը հնարավորություն կունենար հարցեր տալու, պարզաբանումներ լսելու:

«Պարզվում է՝ հաղորդում են ներկայացնելու ինչ-որ աշխատանքների մասին, դա ինձ պետք չէ: Էս շոգին բան ու գործ չունենք անելու, պիտի գանք, հաղորդում լսե՞նք»,- զայրացած նշեց պատգամավորը և հեռացավ:

Երբ նիստը մեկնարկեց, ՀՀԿ-ական Վարդան Այվազյանը պարզաբանեց, որ «Նաիրիտ»-ի վերաբերյալ խորհրդարանական լսումները կանցկացվեն աշնանը, իսկ այժմ կլինի նիստ, որի ընթացքում հաղորդելու են «Նաիրիտ»-ի վերաբերյալ կատարված աշխատանքների մասին:

Երբ լրագրողները ԲՀԿ խմբակցության ղեկավար Նաիրա Զոհրաբյանից հետաքրքրվեցին, իսկ ինքը գիտի՞, թե ինչ է լինելու` հաղորդո՞ւմ, թե՞ խորհրդարանական լսումներ, պատգամավորը պատասխանեց. «Գաղափար չունեմ»:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը