Մշտապես համազգեստով, մշտապես ծառայության կողքին. ՃՈ պետի նոր ստատուսը

Ճանապարհային ոստիկանության նոր պետի ընտրության հարցում ՀՀ ոստիկանապետ Ալիկ Սարգսյանը դեռ չի կողմնորոշվել:

Այսօր լրագրողների հետ զրույցում ոստիկանապետը նշեց, որ այս պահին ծառայության անձնակազմի ղեկավարությունը կադրերի ընտրություն է կատարում. «Արդեն 8-10 թեկնածուների անձնական գործերը հանել եմ, դրանք մանրակրկիտ ուսումնասիրվում են, եւ հաշված օրերի ընթացքում թեկնածուն կլինի: Աշխատելու եմ ընտրել մարդ, որը կաշխատի ուղիղ եւ կիրականացնի իր վրա դրված իսկական գործառույթներ, եւ ուրիշ ոչինչ»:

Ալիկ Սարգսյանը նաեւ տեղեկացրեց, որ Ճանապարհային ոստիկանության պետն այսուհետ հանդես կգա «մի քիչ այլ ստատուսով»` մշտապես համազգեստով կլինի, մշտապես ծառայության կողքին, եւ ուղղակի կզբաղվի ճանապարհային ոստիկանության ծառայության որակը բարձրացնելու գործով: