Ադրբեջանով ՀՀ ցորենի մատակարարումը հնարավոր եղավ 2020-2022-ին ձեռնարկված ջանքերի շնորհիվ. ՌԴ ԱԳՆ

Ադրբեջանով Հայաստան ցորենի մատակարարումը հնարավոր եղավ 2020-2022-ին ձեռնարկված ջանքերի շնորհիվ։ Այդ մասին հայտարարել են ՌԴ ԱԳՆ-ից:

«Առաջին խմբաքանակը ժամանել է այս տարվա նոյեմբերի 6-ի գիշերը։ Մենք ընդգծում ենք, որ այս իրադարձությունը մեծապես հնարավոր է դարձել տարածաշրջանային հաղորդակցությունների ապաշրջափակման եռակողմ աշխատանքային խմբի շրջանակում ձեռնարկված ջանքերի և Ռուսաստանի, Հայաստանի և Ադրբեջանի ղեկավարների միջև 2020-2022 թվականներին ձեռք բերված պայմանավորվածությունների շնորհիվ։

Հարավային Կովկասի՝ վերը նշված հանրապետությունների միջև հարաբերությունների կարգավորմանը մասնակցելով՝ Ռուսաստանը մշտապես առաջնորդվել է նրանց ինքնիշխան ազգային շահերով։ Սակայն Արևմուտքի միջնորդական ջանքերը դեռևս պիտի դիմանան ժամանակի փորձությանը»,- նշել են ՌԴ ԱԳՆ-ից։