Եղավ այն, ինչ եղավ. Արման Ծատուրյան

Երեկ անցկացվեց Ալ. Սպենդիարյանի անվան օպերայի և բալետի ազգային ակադեմիական թատրոնի տնօրենի թափուր պաշտոնի համար հայտարարված մրցույթը: Մրցույթին ներկայացել էր 7 թեկնածու, որոնցից հարցազրույցի փուլ անցան 3-ը: Հարցազրույցի փուլը հաղթահարեց 2 թեկնածու՝ Անդրանիկ Արզումանյանը և Գագիկ Մանասյանը:

Հարցազրույցի փուլ չէր անցել նաեւ Կամերային երաժշտության ազգային կենտրոնի տնօրեն Արման Ծատուրյանը: Yerkir.am-ի հետ զրույցում նա ասաց, որ իրեն 4 բալ է պակասել` հարցազրույցի փուլ անցնելու համար:

«Անհրաժեշտ էր ճիշտ պատասխանել հարցերի 90 տոկոսին, ես 86 միավոր էի ստացել: Դե, եղավ այն, ինչ եղավ»,- ասաց Ծատուրյանը:

Օպերայի թատրոնի մենակատար Տիգան Դավթյանն էլ, իր հերթին, նշեց, որ չի հաղթահարել գրավոր փուլը, սակայն չհիշեց` որքան բալ է վաստակել: «Մթնոլորտը շատ լավն էր, շատ լավ էին տրամադրված, մրցակցություն /վատ իմաստով/ չկար»,- ասաց նա: