Մխիթարյան. Պետք է մոռանալ այն, ինչ եղավ

«Պորտուից» կրած պարտությունից հետո Հայաստանի հավաքականի և Դոնեցկի «Շախտյորի» կիսապաշտպան Հենրիխ Մխիթարյանը խոսել է առաջիկա կիրակի օրը կայանալիք «Վորսկլա»-ի դեմ խաղի մասին:

«Իհարկե, մենք շատ հիասթափվեցինք պարտությունից հետո, սակայն առջևում խաղեր կան, որոնց պետք է լրջորեն նախապատրաստվել: Պորտուգալիայում կրած պարտությունը չի անդրադառնա մեր ցուցադրած խաղի վրա, պետք է մոռանալ այն, ինչ եղել է: «Վորսկլան» այնպիսի թիմ է, որի դեմ դժվար է խաղալ թե' տանը և թե' դրսում: Նրանք ամեն խաղում պայքարում են առավելագույն միավորների համար»,- ասել է ֆուտբոլիստը:

Հավելենք, որ ուկրաինական մամուլը դրական էր գնահատել Մխիթարյանի` «Պորտուի» դեմ ցուցադրած խաղը: