ՌԴ զորքը վերահսկողության տակ է առել Ռազինո և Մելովոյե բնակավայրերը. ՌԴ ՊՆ

Ռուսական զորքը վերահսկողության տակ է վերցրել Ռազինո (ԴԺՀ) և Մելովոյե (Խարկովի մարզ) բնակավայրերը։ Այս մասին հայտնում է ՌԴ ՊՆ–ն։

Նախարարությունից նշել են, որ Ռազինոն, մասնավորապես, վերահսկողության տակ է վերցվել «Կենտրոն» զորախմբի ստորաբաժանումների ակտիվ գործողությունների արդյունքում։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։