կարևոր
367 դիտում, 15 րոպե առաջ - 2026-11-20 23:11
Աշխարհ

Իրանը ցանկանում է համաձայնության հասնել, բայց պատրաստ չէ ընդունել Վաշինգտոնի պայմանները. Թրամփ

Իրանը ցանկանում է համաձայնության հասնել, բայց պատրաստ չէ ընդունել Վաշինգտոնի պայմանները. Թրամփ

ԱՄՆ նախագահ Դոնալդ Թրամփը հայտարարել է, որ Իրանը ցանկանում է գործարք կնքել ԱՄՆ-ի հետ, սակայն դեռ պատրաստ չէ ընդունել այնպիսի պայմաններ, որոնք ընդունելի կլինեն Վաշինգտոնի համար։

«Նրանք ցանկանում են գործարք կնքել, բայց ոչ այնպիսի պայմաններով, որոնք ընդունելի կլինեն ինձ համար»,- լրագրողներին ասել է Թրամփը։

Հիշեցնենք՝ ԱՄՆ-ն և Իսրայելը Իրանի դեմ պատերազմ են սկսել փետրվարի 28-ին, երբ հարվածել են Իրանի տարածքում գտնվող օբյեկտներին, ինչին իրանական կողմն արձագանքել է պատասխան հարվածներով։ 

Հունիսի կեսերին Թեհրանն ու Վաշինգտոնը ստորագրեցին ռազմական գործողությունների դադարեցման մասին հուշագիր, սակայն ավելի ուշ փոխադարձ հարվածները կրկին սկսվեցին։

ԱՄՆ, Իսրայել-Իրան հակամարտությունը մնում է չկարգավորված։

Հորմուզի նեղուցի պարբերաբար փակ լինելու պատճառով նավթի գներն անընդհատ տատնվում են։