Ռուսական զորքը վերահսկողության տակ է առել Սումիի և Դնեպրոպետրովսկի մարզերի 2 բնակավայրեր

Ռուսական զորքը վերահսկողության տակ է վերցրել Սումիի մարզի Բեսալովկա բնակավայրը։ Տեղեկությունը հայտնում է Ռուսաստանի պաշտպանության նախարարությունը։

Նշվում է, որ Բեսալովկան վերահսկողության տակ են վերցրել «Հյուսիս» զորախմբի ստորաբաժանումները։

Հաղորդվում է նաև, որ «Կենտրոն» զորամիավորման ստորաբաժանումներն իրենց հերթին վերահսկողության տակ են վերցրել Դնեպրոպետրովսկի մարզի Դաչնոյե բնակավայրը։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։