ՀՕՊ-ը գիշերը 12 դրոն է խոցել Ռուսաստանի տարածքում․ ՌԴ ՊՆ

Ռուսական հակաօդային պաշտպանության միջոցները գիշերը Սև ծովի և Բելգորոդի շրջանի երկնքում 12 ուկրաինական դրոն են ոչնչացրել, հայտնում է Ռուսաստանի պաշտպանության նախարարությունը:

«Անցած գիշերվա ընթացքում ՀՕՊ-ի հերթապահ միջոցներով ոչնչացվել է ուկրաինական 12 անօդաչու թռչող սարք, որից 9-ը՝ Սև ծովի ջրային տարածքում և 3-ը՝ Բելգորոդի մարզի տարածքում»,-ասված է հաղորդագրության մեջ:

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։