Թրամփը շնորհավորել է Պուտինին գերիների փոխանակման «հիանալի գործարքի» կապակցությամբ

ԱՄՆ նախագահի հանրապետական ​​թեկնածու Դոնալդ Թրամփը շնորհավորել է Ռուսաստանի առաջնորդ Վլադիմիր Պուտինին՝ արևմտյան երկրների հետ գերիների փոխանակման գործարքի կապակցությամբ։

«Ցանկանում եմ շնորհավորել Վլադիմիր Պուտինին ևս մեկ հիանալի գործարքի կապակցությամբ», - ասել է նա Ատլանտայում (Ջորջիա նահանգ) իր կողմնակիցների առաջ ելույթ ունենալիս:

Միաժամանակ, ըստ Թրամփի, այս գործարքը սարսափելի էր Վաշինգտոնի համար։ «Մենք վերադարձրեցինք մեր մարդկանց, բայց մենք սարսափելի, սարսափելի գործարքներ ենք անում», - ասել է քաղաքական գործիչը:

Օգոստոսի 1-ին Անկարայի օդանավակայանում փոխանակման շնորհիվ ՆԱՏՕ-ի մի շարք երկրներում ձերբակալված և կալանավորված Ռուսաստանի ութ քաղաքացի, ինչպես նաև անչափահաս երեխաներ վերադարձվել են հայրենիք։ ՌԴ նախագահ Վլադիմիր Պուտինն անձամբ է դիմավորել  ազատ արձակված ռուսաստանցիներին։