ԱՄՆ հետախուզությունը նախազգուշացնում է Ուկրաինայում պատերազմի հնարավոր սրացման մասին

Առաջիկա ամիսներին Ուկրաինայի դեմ Ռուսաստանիռազմական գործողությունների ընթացքը կարող է ավելի անկանխատեսելի դառնալ։ Հակամարտությունը, ամենայն հավանականությամբ, կսրվի։ Այս մասին հայտարարել է ԱՄՆ ազգային հետախուզության ղեկավար Ավրիլ Հեյնսը. հայտնում է РБК-Украина-ն՝ հղում անելով ԱՄՆ Սենատի զինված ուժերի հանձնախմբում լսումներին։

«Առաջիկա մի քանի ամիսների ընթացքում Ուկրաինայի տարածքում ավելի անկանխատեսելի և պոտենցիալ էսկալացիոն հետագիծ կարող է դիտվել», - ասել է ԱՄՆ հետախուզական գործակալության ղեկավարը։

Հիշեցնենք, որ ԱՄՆ հետախուզությունը նաև հայտնել էր, որ Ռուսաստանի Դաշնության նախագահ Վլադիմիր Պուտինը մտադիր է Ռուսաստանում ռազմական դրություն մտցնել և պատերազմ սանձազերծել Մերձդնեստրում։

«Պուտինին կարող է չբավարարել Դոնբասում Ռուսաստանի հաղթանակը, ուստի ՌԴ նախագահը մտադիր է երկարաժամկետ պատերազմ վարել Ուկրաինայում՝ հուսալով, որ ԱՄՆ-ը և Եվրոպան հետագայում «կկորցնեն վճռականությունը» նման ագրեսիային հակազդելու հարցում»,- ասել է Հեյնսը։