Զելենսկին օրենք է ստորագրել առանց զորահավաքի պահեստազորայինների զորակոչի մասին

Ուկրաինայի նախագահ Վլադիմիր Զելենսկին ստորագրել է օրենք առանց զորահավաք հայտարարելու հատուկ ժամանակահատվածում պահեստազորայիններին զորակոչելու մասին: Այս մասին հայտնում են Ուկրաինայի նախագահի աշխատակազմի մամուլի ծառայությունից:

Այն քաղաքացիները, որոնք հատուկ ժամանակահատվածում կկանչվեն պահեստազորի շարքերից, ենթակա կլինեն նույն աշխատանքային, սոցիալական, իրավական և կրթական երաշխիքների, որոնք տրամադրվում են մոբիլիզացված անձանց:

Նախատեսվում է ստեղծել զորակոչման և սոցիալական աջակցության տարածքային կենտրոններ`զինկոմիսարիատների հիման վրա:

Բարելավվում է նաև պահեստազորայինների ռազմական գրանցման կարգը, այդ թվում`տեղեկատվական և հեռահաղորդակցման ավտոմատացված համակարգի` «Օբերեգի» (զորակոչիկների, զորակոչիկների և պահեստազորայինների միասնական պետական ռեգիստրի) միջոցով: