Արմեն Սարգսյանը` Հայաստան օտարերկրյա ներդրումներ ներգրավելու մասին

ՀՀ նախագահ Արմեն Սարգսյանը հարցազրույց է տվել ռուսական ТАСС-ին, որում անդրադարձել է նաև Հայաստան օտարերկրյա ներդրումներ ներգրավելու հարցին:

Ըստ նախագահի` դրա համար այնհրաժետ է այնպես անել, որ ցանկացած պոտենցիալ ներդրող իմանա` ինչ է նրան սպասվում, այսինքն՝ թե ինչ պայմաններում է նա ստիպված լինելու աշխատել, ինչպիսին է երկրի օրենսդրությունը և պրակտիկան, որտեղ նա պատրաստվում է ներդրում անել:

 «Բարենպաստ ներդրումային մթնոլորտի ձևավորման համար անհրաժեշտ է տքնաջան աշխատել: Հարկավոր է մտածել երկրի տնտեսական և ներդրումային գրավչության, օրենքի գերակայության և օրենքի առաջ համընդհանուր հավասարության հետագա ամրապնդման մասին»,- նշել է նախագահը: