Երկրպագուներն ինձ կճանաչեն իմ խաղը տեսնելուց հետո. Մխիթարյան

Հայաստանի ազգային հավաքականի ու Լոնդոնի «Արսենալ»-ի կիսապաշտպան Հենրիխ Մխիթարյանն առաջին հարցազրույցն է տվել` որպես լոնդոնյան թիմի ֆուտբոլիստ:

«Ինձ միշտ դուր է եկել, թե ինչպես է խաղում «Արսենալը», և ինչպես է աշխատում Արսեն Վենգերը երիտասարդ ֆուտբոլիստների հետ: Սիրել եմ Թիերի Անրիի խաղը, և դա է նաև եղել պատճառը  որ  երկրպագել եմ այս թիմին: Նա բազմաթիվ գոլեր էր խփում և կարծես հերոս լիներ»,- ասել է Մխիթարյանւը:

Անդրադառնալով լոնդոնյան թիմի երկրպագուներին` հայ ֆուտբոլիստը նշել է. «Արսենալի» այն երկրպագուները, ովքեր քիչ բան գիտեն իմ մասին, ինձ կճանաչեն իմ խաղը տեսնելուց հետո: Ինձ դուր է գալիս գտնվել խաղադաշտում, տեղաշարժվել, ազատ գոտիներ ստեղծել: Ցանկանում եմ խաղալ բոլորի հետ և սկսել մարզումները որքան հնարավոր է շուտ»: