Արդեն սուլթանություն չէ, ընտանեկան կառավարում է․ Շարմազանովը հեգնեց

«Ադրբեջանը ոչ միայն տորպեդահարում է բանակցային գործընթացը, այլ մարտահրավեր է նետում արտաքին աշխարհին»,- այս մասին այսօր լրագրողների հետ զրույցում ասաց ԱԺ փոխնախագահ, ՀՀԿ խոսնակ Էդուարդ Շարմազանովը՝ անդրադառնալով Ադրբեջանի կողմից «սև» ցուցակների ընդլայնման քայլին:

Ըստ Շարմազանովի՝ աբսուրդի ժանրից է թե՛ Արցախի հանրաքվեի վերաբերյալ հարևան պետության հիստերիկ արձագանքը, թե՛ Եվրախորհրդարանի ներկայացուցիչների նկատմամբ հետապնումը, թե՛ մյուս քայլերը: «Դասական աբսուրդի ժանրից են, ծիծաղելի են, բայց մի երկրում, որտեղ արդեն սուլթանություն կամ խանություն չէ կառուցվում, այլ ընտանեկան կառավարում, ոչինչ զարմանալի չէ»,- ասել է Շարմազանովը:

ՀՀ ԱԺ փոխնախագահը հավելեց, որ իր համար զարմանալի չէր լինի, որ նմանատիպ այլ պաշտոններ էլ Ալիևը իր զավակներին տար: «Ես զարմանում եմ, որ դուք զարմանում եք նրանց պահվածքից»,-նկատեց նա: