Տեսնելով ձերբակալություններ, սպանություններ` Սեյրան Օհանյանը լռել է. Զարուհի Փոստանջյան

Զարուհի Փոստանջյանը «Ազատություն» ռադիոկայանի ֆեյսբուքյան ասուլիսի հյուրն է:

Անդրադառնալով օգտատերերի հարցին` արդյո՞ք դժվար չէր «Ժառանգություն»-ից դուրս գալու որոշում կայացնելը, նա արձագանքեց. «Շատ դժվար որոշում էր, սակայն նման որոշում կայացնելու համար կային հիմքեր: Հիմքերը վերաբերում էին այն ճանապարհին, որով անցել էր կուսակցությունը, իսկ այսօր նա մերժում է իր անցած ուղին: Տխուր է, որ պարտավորված էի այդպիսի որոշում  կայացնել»:

Զարուհի Փոստանջյանը նաև ասաց, որ կարծում է` Րաֆֆի Հովհաննիսյանը ցանկանում էր, որ ինքը այդպիսի որոշում կայացնի:

Հարցին էլ` Սեյրան Օհանյանը մեղավորություն ունի՞ 2008 թ. մարտի 1-ի դեպքերում, պատասխանեց. «Սեյրան Օհանյանը այնքանով կապ ունի Մարտի 1-ի հետ, որքանով եղել է իշխանության պաշտոնյա և լռել է: Տեսնելով ձերբակալությունները, սպանությունները` նա լռել է, ոչ մի կերպ չի արձագանքել, այդքանով էլ, այո, նա մեղավոր է»: