Բախվել է «Գազելին» եւ դիմել փախուստի. կա տուժած

Փրկարար ծառայությունը հունիսի 27-ին, ժամը 19.50-ին ահազանգ է ստացել, որ Երեւանի Երեւանյան եւ Սուրբ Սարգիս փողոցների խաչմերուկում անհայտ մակնիշի ավտոմեքենան բախվել է «ԳԱԶել» մակնիշի ավտոմեքենային եւ դիմել փախուստի. կա տուժած, անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ Երեւան - Ոսկեվազ երթուղին իրականացնող երթուղային «ԳԱԶել» մակնիշի 3253L պ/հ ավտոմեքենային է բախվել անհայտ մակնիշի ավտոմեքենան, ինչից «ԳԱԶել» մակնիշի ավտոմեքենայի ուղեւոր Հ. Մ.-ն (ծնվ. 1979թ.) ստացել է տարբեր աստիճանի մարմնական վնասվածքներ:

Հրշեջ – փրկարարները Հ. Մ.-ին դուրս են բերել «ԳԱԶել» մակնիշի ավտոմեքենայից եւ պատգարակով մոտեցրել շտապօգնության մեքենային:

Տուժածը տեղափոխվել է Աշտարակի ԲԿ. բժիշկները տուժածի առողջական վիճակը գնահատել են բավարար: