141 բանտարկյալներ փախուստի են դիմել

Ուրբաթ օրը 141 բանտարկյալներն փախել են Մեքսիկայի Տամոլիպաս նահանգի՝ սահմանային քաղաք Նուեվո Լարեդոյում գտնվող բանտից: Ըստ իշխանությունների՝ ամենայն հավանականությամբ բանտի աշխատակիցներն աջակցել են փախուստին:

Նահանգի հասարակական անվտանգության վարչությունը տեղեկացրել է, որ բանտարկյալները փախել են բանտի՝ մեքենաների համար նախատեսված ծառայողական մուտքից: Վարչությունը նաև տեղեկացրել է, որ բանտի պետի գտնվելու վայրը հայտնի չէ:

Տամոլիպասի նման նահանգները նախկինում ասել են, որ նրանք բարձր վտանգավորության ֆեդերալ բանտարկյալների հետ աշխատելուն պատրաստ չեն և այս մասին ուրբաթ էլ կրկնել են. «Նահանգը ունակ չէ կանխելու նրանց փախուստը»:

Նախկինում էլ բանտի պահակները հաճախ գումարի դիմաց, երբեմն էլ սպառնալիքի տակ օգնել են բանտարկյալներին փախնել: