Յունիբանկը թողարկել է նվեր քարտեր

Տոներին ընդառաջ Յունիբանկը ներկայացնում է նվեր քարտ, որը հարազատներին, մտերիմներին և ընկերներին հաճելի անակնկալ մատուցելու հրաշալի հնարավորություն է։

Նվեր քարտը հարմար և ժամանակակից նվեր է ցանկացած տոնական առիթի համար՝ Նոր տարի, ծննդյան օր, հարսանիք, հոբելյան կամ այլ նշանակալի իրադարձություն։ Այն ստացողին հնարավորություն է տալիս ինքնուրույն ընտրել իր նվերն ու ձեռք բերել հենց այն, ինչ ցանկանում է։

Նվեր քարտը կարելի է պատվիրել Յունիբանկի ցանկացած մասնաճյուղում՝ ընտրելով գումարը՝ 10 000-ից մինչև 300 000 ՀՀ դրամ։ Քարտով հնարավոր է վճարումներ կատարել խանութներում, ժամանցի կենտրոններում, սրճարաններում և ռեստորաններում, ինչպես նաև առցանց հարթակներում, իսկ անհրաժեշտության դեպքում՝ նաև կանխիկացնել միջոցները։ Քարտը ստացողը կարող է օգտագործել գումարը և միանգամից, և մաս-մաս։

Նվեր քարտի գումարը օգտագործման համար հասանելի է դառնում առցանց ակտիվացումից հետո։ Դրա համար ստացողը պետք է սկանավորի քարտին կցված QR կոդը և լրացնի անհրաժեշտ տվյալները։

Նվեր քարտեր առաջարկելով՝ Յունիբանկը շարունակում է զարգացնել հաճախորդակենտրոն ծառայությունները՝ ուղղված հարմարավետությանը, ճկունությանը և ժամանակակից ֆինանսական լուծումներին: