Վրաստանի ցիկլոնը Հայաստանին չի սպառնում. մասնագետ

ՀՀ տարածքային կառավարման և արտակարգ իրավիճակների նախարարության հիդրոօդերևութաբանական ծառայության օդերևութաբանական կանխատեսումների բաժնի պետի տեղակալ Գագիկ Սուրենյանը  Yerkir.am-ի հետ զրույցում նշեց, որ Վրաստանում տեղի ունեցած ջրհեղեղի հանգեցրած ցիկլոնն արդեն չեզոքացել է և կորցրել իր հզորությունը: «Վրաստանում տեղի ունեցած ջրհեղեղն արդեն հանդարտվել է, ցիկլոնը կորցրել է իր հզորությունը»,- ասաց նա:

Հարցին, թե կարո՞ղ է այդ ցիկլոնը սպառնալ Հայաստանին և հանգեցնել հեղեղումների, Սուրենյանը պատասխանեց. «Ոչ, այդ ցիկլոնը Հայաստանին սպառնալ չի կարող: Թեև Հայաստանում առաջիկայում սպասվում են անձրևներ, սակայն դրանք նորմայի սահմաններում են և որևէ վտանգ չեն պարունակում»: