Դավութօղլուի կարծիքով` Թուրքիայում մամուլն ամենաազատն է

Ըստ Radikal-ի՝ Թուրքիայի ԱԳ նախարար Ահմեդ Դավութօղլուն համատեղ ասուլիս է տվել Օմանի ԱԳ նախարարության գործերի պատասխանատու Յուսուֆ բին Ալեւիի հետ:

Դավութօղլուն, պնդելով, որ Թուրքիայում մամուլն ավելի ազատ է, քան մյուս երկրներում, ասել է. «Երեկ մայիսի 1-ի կապակցությամբ բազում լրագրողներ կարողացել են իրենց աշխատանքներն իրականացնել: Սակայն արտասահմանյան որոշ լրատվամիջոցներ այնպես են ներկայացրել, թե Թուրքիայում իրարանցում էր, և Թուրքիան արգելել էր այդ կապակցությամբ ցույցերը»:

Թե ինչեր էին կատարվում Թուրքիայում Դավութօղլուի ասած օրը` մայիսի 1-ին, կարող եք դիտել այստեղ:

Նշենք, որ Թուրքիայում ավելի քան 60 լրագրող ներկայումս գտնվում է բանտում ահաբեկչության տարածման մեղադրանքով: