Հայաստանում ադրբեջանցի կիլլեր չի ձերբակալվել. ոստիկանությունը հերքում է

Հայաստանի և Ռուսաստանի իրավապահների ձեռնարկած համատեղ գործողությունների արդյունքում`  2014-ի ապրիլին Հայաստանում ձերբակալվել է հերախուզման մեջ գտնվող 27-ամյա ադրբեջանցի վարձու մարդասպան: Այս մասին  հայտնել էինք երեկ` հղում կատարելով ռուսական БалтИнфо-ին, որն էլ վկայակոչել էր իրավապահ մարմիններում իր աղբյուրները: Ադրբեջանցին կասկածվում է 2012-ի ապրիլին Մոսկվայի ավտոլվացման կետերից մեկի 52-ամյա սեփականատիրոջ սպանությունը կատարելու մեջ:

Այսօր yerkir.am-ը Ազգային անվտանգության ծառայությունից հետաքրքրվեց, թե ադրբեջանցի մարդասպանն ի՞նչ եղանակով  և որքա՞ն ժամանակ է ապաստանել Հայաստանում: ԱԱԾ մամլո խոսնակ Արծվին Բաղրամյանը, սակայն, նշեց, որ նման գործերով զբաղվում է Ինտերպոլը:

Ոստիկանությունից էլ հայտնեցին, որ նման բան չի եղել, այսինքն` Հայաստանում ադրբեջանցի վարձու մարդասպանի չեն ձերբակալել և արտահանձնել: