Թաիլանդի հետ հակամարտության ընթացքում Կամբոջայում զոհերի թիվը հասել է 15-ի

Թաիլանդի հետ սահմանային հակամարտության ընթացքում Կամբոջայի քաղաքացիական բնակչության շրջանում զոհերի թիվը հասել է 15-ի։ Տեղեկությունը հայտնում է ՌԻԱ Նովոստին՝ հղում անելով Կամբոջայի տեղեկատվության նախարարությանը։

Ավելի վաղ հաղորդվել էր, որ 11 մարդ է մահացել, ավելի քան 300 հազար մարդ տարհանվել է։

«Երկուշաբթի` ժամը 14:00-ի (Մոսկվայի ժամանակով ժամը 10:00-ի) դրությամբ, Թաիլանդի զինված ուժերի կողմից իրականացված ագրեսիայի հետևանքով զոհվել է 15 քաղաքացիական անձ, վիրավորվել` 73-ը», – ասվում է հաղորդագրության մեջ։

Նշվում է, որ Կամբոջայում ավելի քան 400 հազար մարդ ստիպված են եղել լքել իրենց տները։

Դեկտեմբերի 7-ին Թաիլանդի և Կամբոջայի սահմանին վերսկսված զինված հակամարտության ընթացքում Թաիլանդը, վերջին տվյալներով, կորցրել է 25 զինծառայող, տասնյակ մարդիկ վիրավորվել են։