Գործադիրի անդամների խորհրդավոր լռությունը

Այսօր կառավարության անդամները չէին ցանկանում լրագրողների հետ խոսել ներքաղաքական զարգացումների մասին:

Բնապահպանության նախարարի պաշտոնակատար Արամ Հարությունյանը միայն նշեց, որ ինքն արդեն պարզաբանումներ է տվել: ՊԵԿ նախագահ Գագիկ Խաչատրյանը լռեց, երբ հետաքրքրվեցինք, թե ճի՞շտ են լուրերը, որ ինքը ֆինանսների նախարարի պաշտոնն է ստանձնելու: ՕԵԿ-ի որոշման մասին էկոնոմիկայի նախարարի պաշտոնակատար Վահրամ Ավանեսյանը միայն ասաց. «Ինձ համար անակնկալ էր»: Իսկ Երևանի քաղաքապետ Տարոն Մարգարյանն էլ նշեց. «ՕԵԿ-ը քաղաքական թիմ է, և դա իրենց որոշումն է»:

Իսկ երբ Հանրային ծառայությունները կարգավորող հանձնաժողովի նախագահ Ռոբերտ Նազարյանն էր մտնում կառավարության շենք, մի կին բացականչեց, թե գազի գինն է բարձրանում, սակայն Ռոբերտ Նազարյանը ոչինչ չպատասխանեց: