ԱՄՆ-ը խախտում է անմեղության կանխավարկածը. ՌԴ ԱԳՆ-ն Լեպսի հետ կապված իրավիճակի մասին

ՌԴ արտաքին գործերի նախարարության մարդու իրավունքների հարցերով ներկայացուցիչ Կոնստանտին Դոլգովը, մեկնաբանելով հայտնի երգիչ Գրիգորի Լեպսի դեմ ԱՄՆ ֆինանսների նախարարության կողմից առաջադրված մեղադրանքները, նշել է, որ ԱՄՆ-ը վարկաբեկում է մարդկանց և խախտում անմեղության կանխավարկածը. հայտնում է РИА Новости-ն: Դոլգովը հույս ունի, որ ԱՄՆ-ը բացատրություն կտա: 

«ՌԴ քաղաքացիներն առնչություն ունեն մաֆիայի հետ, թե` ոչ` պետք է հետաքննվի մեր երկրում՝ ռուսական իրավական համակարգի շրջանակում: Այնպես որ` ուղղակի անընդունելի, որ ԱՄՆ-ը նման հայտարարություններով է հանդես գալիս՝ վարկաբեկելով մարդկանց և խախտելով անմեղության կանխավարկածը»,- ասել է նա: