Ստալինն ու Տարոնը

Երեկ Երևանի Շենգավիթ վարչական շրջանի Արմեն Տիգրանյանի անվան երաժշտական դպրոցում ՀՀԿ-ն ընտրողների հետ հանդիպում է անցկացրել. գրում է «Հայկական ժամանակ»-ը:

Սակայն սա սովորական հանդիպում չի եղել, նշում է թերթը, այլ «ստալինիզմի» ժամանակակից մեկնաբանություն: Հայտնի է, գրում է «ՀԺ»-ն, որ ՀՀԿ-ն բյուջետային աշխատողներին աշխատանքից ազատելու սպառնալիքի տակ ստիպում է առաջիկա ընտրություններում ՀՀԿ-ի պոտենցիալ ընտրողների ցուցակ ներկայացնել անուն, հասցե, հեռախոս...

Պարզվում է՝ ՀՀԿ-ն արդեն անցել Է գործողությունների երկրորդ փուլին, զանգահարում են ցուցակների հեռախոսահամարներով և իբր սոցհարցում են անցկացնում' հետաքրքրվում, թե տվյալ մարդը ում է ընտրելու: Երեկ երաժշտական դպրոց են հրավիրված եղել շենգավիթցի այն ընտրողները, ովքեր հեռախոսով «ճիշտ» պատասխան չեն տվել»: