Րաֆֆի Հովհաննիսյանը համազգային ճակատ ստեղծելու կոչ է անում

Ով ժողովրդի կողքին է, բարձր է ցանկացած հռետորաբանությունից. այսօր Ազատության հրապարակում հայտարարեց Րաֆֆի Հովհաննիսյանը, այնուհետեւ ուղերձ հղեց ՀՀ քաղաքական ուժերին` ապրիլի 16-ին լինել «Անի Պլազա» հյուրանոցում: «Ամեն մեկն իր ինքնասիրությունը մի կողմ կդնի, եւ մենք ապրիլի 19-ին միասին կստեղծենք համազգային ճակատը»,- հայտարարեց նա:

«Ժառանգության» առաջնորդը նշեց, որ ապրիլի 23-ի երեկոյան իրենք կմիանան ՀՅԴ երիտասարդների ջահերով երթին, իսկ ապրիլի 24-ին, ակնկալում են, որ Ազատության հրապարակից միասնական` համազգային ուժերով կքայլեն դեպի Հայաստանի ապագան:

«Ով տաքուկ անկյունից իր կուսակցական, իր հատվածական ծածուկ շահը հետապնդեց ժողովրդի թիկունքում, ժողովուրդը չի ներելու»,- նշեց Րաֆֆի Հովհաննիսյանը: