ՌԴ-ի դեմ պատերազմ սկսելու Կիևի կոչերը չեն բխում վրաց ժողովրդի շահերից. Թբիլիսին մերժել է «երկրորդ ճակատ» ստեղծելու Կիևի կոչը

Վրաստանի մարդու իրավունքների հարցերով խորհրդարանական հանձնաժողովի նախագահ Միխայիլ Սարջվելաձեն մերժել է Ռուսաստանի դեմ «երկրորդ ճակատ» ստեղծելու Կիևի կոչը։ Այս մասին հայտնում է Интерфакс-ը։

Ավելի վաղ Ուկրաինայի Ազգային անվտանգության և պաշտպանության խորհրդի քարտուղար Ալեքսեյ Դանիլովը հայտարարել էր, որ Ռուսաստանի դեմ այլ «ճակատների» բացումը կօգնի Կիևին, մասնավորապես, եթե Մոլդովան և Վրաստանը շահագրգռված լինեն վերադարձնել «Մոսկվայի կողմից գրավված տարածքները»։

«Ռուսաստանի դեմ պատերազմ սկսելու Վրաստանին ուղղված կոչը չի բխում վրաց ժողովրդի շահերից»,- ասել է Սարջվելաձեն՝ հավելելով, որ նման կոչերը «սխալ են և չարդարացված»:

Խորհրդարանական ընդդիմադիր «Բարեփոխումների խմբի» ներկայացուցիչ Թեոնա Ակուբարդիան նույնպես լրագրողներին ասել է, որ Վրաստանում և Մոլդովայում ռուսական երկրորդ ճակատ բացելու կոչերը «անհիմն և բարոյապես չարդարացված հայտարարություն են»։

Հիշեցնենք, որ Կիևի՝ «երկրորդ ճակատ բացելու» կոչում նշվում էր նաև Արցախը՝ ՌԴ խաղաղապահների դեմ։