Եկեք` դուրս գանք մեծամտությունից. Րաֆֆի Հովհաննիսյանը կոչ է անում միավորվել

Այսօր տեղի ունեցավ «Ժառանգություն» կուսակցության 10-րդ համագումարը:

Կուսակցության նախագահ Րաֆֆի Հովհաննիսյանը ելույթ ունեցավ` ասելով. «Ինձ մեղադրեցին նրա համար, ես Սերժ Սարգսյանի մասին լավ եմ խոսել, բայց, հանուն Հայաստանի ու իր փրկության, մենք պետք ունենային ՀՀ` առանց պարոն Սարգսյանի նախագահության»:

Նրա խոսքով`  թեև քաղաքական ուժերը խոսում են միասնությունից, բայց համագումարներ ու հանրահավաքներ անում են առանձին: Հովհաննիսյանը կոչ արեց բոլոր քաղաքական ուժերին, որ նրանք  սթափվեն ու միանան, նշելով, որ ժողովուրդը սպասում է միասնական բռունցքի, և եթե քաղաքական ուժերը չմիանան, ապա ժողովուրդը կհիասթափվի:

«Եկեք դուրս գանք մեծամտությունից, Հիսուս լինելու բարդույթից: Եթե բոլորը կամ կեսը միասին կանգնեն ու պահանջեն ոչ թե տասներկու կետը, այլ հարյուր քսան կետ, այդ թվում` ամբողջական իշխանափոխությունը, ժողովուրդը կլինի հրապարակում, ու ժողովուրդը  հիմա սպասում է դրան»,- ասաց Րաֆֆի Հովհաննիսյանը: