Կոչնեւան կլքի Սիրիան փաստաթղթեր ձեւակերպելուց հետո

Ուկրաինացի լրագրող Անհար Կոչնեւան, ով երեկ փախել է սիրիացի ապստամբների մոտ գերությունից, Սիրիան կլքի փաստաթղթերի վերականգնումից եւ տեղական իշխանությունների հետ կատարվածի վերաբերյալ զրույցից հետո. Интерфакс-ին հայտնել է Կոչեւնայի բարեկամը:

Ըստ նրա` Ուկրաինայի ԱԳՆ-ն խոստացել է օգնել լրագրողին փաստաթղթերի ձեւակերպման հարցում: Թե կոնկրետ ո՞ւր կգնա Կոչնեւան, նրա բարեկամը չի ճշտել. մայրը Օդեսայում է, երեխան` Մոսկվայում:

Կոչնեւայի բարեկամը նաեւ հավելել է, որ կինն իրեն արդեն համեմատաբար լավ է զգում. նրա առողջական վիճակը վատ էր թերսնման, վատ պայմանների, թերքնության պատճառով: Ի դեպ, Կոչնեւան փախել է ինքնուրույն, նրան ոչ ոք չի օգնել: