Լրագրող Կոչնեւան փախել է սիրիական գերությունից

Ուկրաինայի քաղաքացի` լրագրող Անհար Կոչնեւան, որը գերի էր ընկել սիրիացի ապստամբներին, այսօր փախել է եւ արդեն Դամասկոսում է. Интерфакс-Украина-ին հայտնել է լրագրողի բարեկաներից մեկը:

«Այսօր առավոտյան նա փախել է: Մենք մի քանի րոպե զրուցել ենք նրա հետ հեռախոսով: Նա պատմեց, որ մարդիկ իրեն Դամասկոս են հասցրել»,- պատմել է  Կոչնեւայի բարեկամը` հավելելով, որ լրագրողն արդեն կապվել է Ուկրաինայի դեսպանատն հետ` հետագա քայլերը պարզելու համար:

Yerkir.am-ը տեղեկացրել է, որ Կոնչեւան Սիրիա էր ժամանել հակամարտությունը սկսվելուց անմիջապես հետո, Утро.ру-ի արտահաստիքային թղթակիցն էր եւ ուղեկցում էր Սիրիա ժամանած ուկրաինացի լրագրողներին: Նա համագործակցում էր նաեւ ռուսաստանյան ԶԼՄ-ների հետ: