ԱԶԳ. Էրդողանի կառավարությունը բոյկոտել է Իսրայելի դեսպանության ընդունելությունը

Մայիսի 15-ը իսրայելցիների համար Ազգային, իսկ պաղեստինցիներ համար Աղետի օր է, որովհետեւ 1948-ին հենց այդ օրն է հռչակվել Իսրայելի պետությունը:

Ազգային օրվա կապակցությամբ հանդիսություններ են կազմակերպվել ինչպես Իսրայելում, այնպես էլ Իսրայելի օտարերկրյա ներկայացուցչություններում: Այս օրը մայիսի 16-ին կազմակերպված ընդունելությամբ նշել է նաեւ Թուրքիայում Իսրայելի դեսպանությունը: Սակայն ընդունելությանը, ինչպես գրում է «Դունիա բուլթենի» կայքէջը, ի տարբերություն նախորդ տարիների, չի մասնակցել վարչապետ Էրդողանի կառավարության ոչ մի նախարար:

Դեսպան Գաբիլեւին դրա առնչությամբ ասել է. «Մենք բոլորին հրավիրել էինք: Ըստ երեւույթին` դա (բոյկոտը) երկու երկրների փոխհարաբերություններում տիրող իրավիճակի արտացոլումն է»: