"Ֆանտաստիկ հնարավորությունների" ոլորտ

Հանքարդյունաբերության ասպարեզում են թաքնված այն ֆանտաստիկ հնարավորություններն ու գումարները, որոնց բյուջե չմտնելու հետեւանքով մեր կառավարությունն անընդհատ բողոքում է միջոցների պակասից. այսօր Ազգային ժողովում հայտարարեց ՀՅԴ խմբակցության ղեկավար Վահան Հովհաննեսյանը` նշելով, որ, իր համոզմամբ, հենց այս ոլորտի օրենսդրության մեջ են ամենաշատ բացերը:

Խմբակցության ղեկավարը խոստացավ մոտ ժամանակահատվածում ասվածն ապացուցել թվային փաստարկներով:

«Մենք համոզված ենք, որ այդ խնդիրները հնարավոր է լուծել միայն ճյուղի ձեռնարկությունների ազգայնացման եւ հանքարդյունաբերության խոշոր պետական ձեռնարկություն ստեղծելու միջոցով»,- խոսքը եզրափակեց Վահան Հովհաննեսյանը: