Մանկաբույժին մեղադրանք է առաջադրվել

Արդեն տեղեկացրել էինք, որ Քաշաթաղի շրջանի բուժմիավորման մանկաբույժի նկատմամբ քրեական գործ էր հարուցվել ԼՂՀ ՔՕ 129-րդ հոդվածի 2-րդ մասով: Մանկաբույժ Սվետլանա Դանիելյանը, առանց հարգելի պատճառի, բժշկական օգնություն ցույց չի տվել նույն շրջանի Վարդուտ գյուղի մանկահասակ բնակչուհի Էլեն Վանյանին, չի կանխվել երկկողմանի բրոնխոպնեւմոնիայի զարգացումը, ինչի հետեւանքով հիվանդը մահացել է:

ԼՂՀ գլխավոր դատախազության կայքը տեղեկացնում է, որ մանկաբույժին մեղադրանք է առաջադրվել ԼՂՀ Քրեական օրենսգրքի 109-րդ հոդվածի 1-ին մասով (անզգուշությամբ մահ պատճառելը): Նրա նկատմամբ որպես խափանման միջոց է ընտրվել ստորագրություն չհեռանալու մասին: