Հայաստանի հավաքականը հնարավոր է` նոր դարպասապահ ունենա

Հնարավոր է, որ Հայաստանի ազգային հավաքականը համալրվի նոր դարպասապահով:

Հայաստանի ֆուտբոլի ֆեդերացիայի նախագահ Ռուբեն Հայրաետյանը «Լրացուցիչ ժամանակ» հեռուստահաղորդմանը տված հարցազրույցում հայտարարել է, որ կփորձի Հայաստանի հավաքական վերադարձնել ՊՍԺ-ի դարպասապահ Ապուլա Բետեին:

ՀՖՖ նախագահը փետրվարի 19-ին կմեկնի Փարիզ և կփորձի համոզել դարպասապահին կրկին հանդես գալ Հայաստանի հավաքականում:

«Եթե ամեն ինչ բարեհաջող ընթանա, նա նույնիսկ կարող է հրավիրվել Ռուսաստանի դեմ խաղին: Եթե դարպասում կա Ռոման Բերեզովսկին, ապա հավաքականում մրցակցության մասին խոսելն ավելորդ է: Բայց Ռոմանի վնասվածքների դեպքում մեր հույսը մնում է Կասպարովը, որը միշտ գոլեր է նվիրում մրցակցին: Կարևոր չէ, թե Բետեն ինչ է հարցազրույցներում ասել ՀՖՖ և անձամբ իմ հասցեին: Կարևորը հավաքականն ուժեղացնել է»,- ասել է Ռուբեն Հայրապետյանը: