Գալոյանն իր ակտիվում ունի 2 միավոր

Ռուսաստանի Դաշնության մայրաքաղաքում անցկացվող «Մոսկովյան օփեն» փառատոնի կանանց մրցաշարի 4-րդ մրցափուլում Լիլիթ Գալոյանը սև խաղաքարերով ոչ-ոքի ավարտեց հանդիպումը ռուսաստանցի Ալինա Կաշլինսկայայի հետ:

Իր առաջին հաղթանակն այս մրցաշարում տոնեց Ռուսաստանը ներկայացնող Կարինա Համբարձումովան, ով սպիտակ խաղաքարերով ստիպեց անձնատուր լինել լեհուհի Յոլանտա Զավադսկայային:

Գալոյանն այժմ իր ակտիվում ունի 2 միավոր և ընթանում է աղյուսակի միջնամասում:

Իսկ առաջատարները երեքն են, ովքեր ունեն 3 միավոր` չինուհի Ժաո Սյուեն, մոնղոլուհի Մոնգոնտուլը և ռուսաստանցի Վալենտինա Գունինան:

5-րդ մրցափուլում Գալոյանը սպիտակ խաղաքարերով կհանդիպի Մարիա Ֆոմինայի հետ, իսկ Համբարձումովայի մրցակիցը Մոնգենտուլան է: Հայ շախմատիստուհին կխաղա սև խաղաքարորով: