Անթալիայում առյուծը դուրս է եկել վանդակից և հարձակվել տեղի բնակչի վրա

Թուրքիայի Անթալիա քաղաքի Մանավգաթ շրջանում առյուծը դուրս է եկել վանդակից և հարձակվել տեղի բնակչի վրա, հաղորդում են տեղական ԶԼՄ-ները:

«Lion Land կենդանիների այգում ժամը 02։00-ի սահմաններում Զևս անունով արու առյուծը փախել է վանդակից։ Ժամը 05:00-ի սահմաններում առյուծը հարձակվել է այգու տարածքից մեկ կիլոմետր հեռավորության վրա աշխատող Սուլեյման Քիրի վրա և լուրջ վնասվածքներ հասցրել նրան: Բժշկական բրիգադը Սուլեյման Քիրին տեղափոխել է հիվանդանոց»,-ասվում է հրապարակման մեջ։

Ոստիկանությունը որոնողական աշխատանքներ է սկսել: Գիշատչին բռնելու գործողությանը մասնակցում են դրոններ։

Իշխանությունները Իլիջա և Քումքյոյ թաղամասերի բնակիչներին կոչ են արել չմոտենալ այն հատվածին, որտեղ տեղի է ունեցել միջադեպը: