Ռուսաստանի տարածքի երկնքում գիշերը 70 ԱԹՍ են խոցել․ ՌԴ ՊՆ

Ռուսական ՀՕՊ միջոցները մեկ գիշերվա ընթացքում 70 ուկրաինական անօդաչու թռչող սարք են որսացել և ոչնչացրել Ռոստովի, Վոլգոգրադի, Աստրախանի, Վորոնեժի, Բելգորոդի և Կուրսկի շրջաններում, հայտնել են ՌԴ պաշտպանության նախարարությունից:

«Անցած գիշերվա ընթացքում ՀՕՊ-ի հերթապահ միջոցները որսացել և ոչնչացրել են 70 ուկրաինական անօդաչու թռչող սարք», - ասվում է հաղորդագրության մեջ:

Ինչպես պարզաբանել են գերատեսչությունում, խոցվել է 27 ԱԹՍ՝ Ռոստովի մարզի տարածքում, 25-ը՝ Վոլգոգրադի մարզի տարածքում, 7-ը՝ Աստրախանի մարզի տարածքում, 5-ը՝ Վորոնեժի մարզի տարածքում, 4-ը՝ Բելգորոդի մարզի տարածքում, 2-ը՝ Կուրսկի շրջանի տարածքում: