Վահրամ Դումանյանը զանգում է մեր դպրոցի տնօրենին ու ՖԲ գրառմանս սքրինշոթ է ուղարկում. Աղասի Միքայելյան

ԿԳՍՄ նախարար Վահրամ Դումանյանը զանգում է մեր դպրոցի տնօրենին ու ՖԲ գրառմանս սքրինշոթն ուղարկում, թե՝ արդյո՞ք ճիշտ է, որ ուսուցիչը նման բառամթերք օգտագործի կառավարության հասցեին։ Այս մասին Facebook-ի իր էջում գրել է ֆիզմաթ գիտությունների թեկնածու, ֆիզմաթ դպրոցի ուսուցիչ Աղասի Միքայելյանը:

«Նախարարը ճիշտ ա ասում։ Չի կարելի օգտագործել էն լեքսիկոնը, որ ես եմ օգտագործում։ Քանզի իրենց իշխանության գերագույն գլխավոր պաշտամունքային իկոնայի նման պետք ա ասել՝  «կբռնենք ու կհագցնենք»։

Ի դեպ, ես իմ արժեքն ու կշիռը, որպես ուսուցիչ, լավ գիտեմ։ Էդ բարձրագույն կոչմանը,  սաներիս հարգանքին ու սիրուն, ի տարբերություն ձեր թիմի մեծամասնության, հասել եմ ոչ թե Նիկոլի շնորհիվ, այլ սեփական մասնագիտական ու մարդկային որակների հաշվին։

Ձեզ քիչ ա մնացել։ Դուք հատակում եք,  բայց ամեն անգամ տակից էլի դուռը ծեծող ա հայտնվում»,- գրել է նա: