Շոլցը հետաձգում է գերմանական տանկերի մատակարարումը Ուկրաինա. POLITICO

Գերմանիայի կանցլեր Օլաֆ Շոլցը հետաձգում է վերջնական որոշումը Ռուսաստանի հետ պատերազմի համար Ուկրաինա բարձր տեխնոլոգիական տանկեր տրամադրելու վերաբերյալ՝ չնայած մի քանի այլ բարձրաստիճան պաշտոնյաների ճնշմանը: Այս մասին հայտնում է Politico-ն՝ հղում անելով այս հարցի քննարկմանը ծանոթ աղբյուրներին։

Փոխկանցլեր և էկոնոմիկայի նախարար Ռոբերտ Հաբեկի և արտաքին գործերի նախարար Աննալենա Բուրբոկի կողմից առաջադրված պլանը նախատեսում է մոտ 100 տանկի փոխանցում:

Ի սկզբանե այս հարցով որոշում էր սպասվում այս շաբաթ։ Սակայն այժմ կանցլերը պնդում է, որ Գերմանիան նախ պետք է ընդհանուր դիրքորոշման հասնի այս հարցում արևմտյան դաշնակիցների հետ՝ նախքան ծանր զինտեխնիկա մատակարարելը։

«Ես կարծում եմ, որ դա հենց այն հարցն է, որում Գերմանիայի համար լուրջ սխալ կլիներ հատուկ դեր խաղալը և հատուկ ճանապարհով գնալը»,- ասել է նա։

Չորեքշաբթի և հինգշաբթի ՆԱՏՕ-ի արտգործնախարարները քննարկել են Ուկրաինային ռազմական աջակցությունը, սակայն տանկերի մատակարարման վերաբերյալ մանրամասներ չեն հայտնել: