Ռուսաստանի դեմ պատժամիջոցները ոչինչ չեն տա Արևմուտքին. Թուրքիա

Ռուսաստանի դեմ պատժամիջոցները ոչինչ չեն տա Եվրամիությանը, բացի խնդիրների լուծումը հետաձգելուց. գերմանական «Welt» թերթին ասել է Թուրքիայի նախագահի պաշտոնական ներկայացուցիչ Իբրահիմ Քալընը։

«Ռուսաստանի դեմ առաջարկվող պատժամիջոցները ոչինչ չեն տա, միայն կհետաձգեն խնդիրների լուծումը։ Ավելի նպատակահարմար է լսել մյուս կողմին ու հասկանալ նրա ռազմավարական կասկածները»,- ասել է թուրք քաղաքական գործիչը։

Նրա կարծիքով՝ Ռուսաստանը ՆԱՏՕ-ն ընկալում է որպես սպառնալիք, իսկ նախագահ Պուտինը ցանկանում է վերագծել Խորհրդային Միության սահմանները և նորացնել ռազմավարական դաշինքները։ «Քսանմեկերորդ դարում մարտահրավերները, անվտանգության կանոնները և սկզբունքները նոր են։ Սա չի նշանակում, որ դուք պետք է կատարեք Ռուսաստանի որևէ պահանջ, այլ պետք է լսեք ռուսական կողմին»,- ասել է Քալընը։